കോഴിക്കോട്: സഹനം,സമരം,സമര്‍പ്പണം എന്ന പ്രമേയത്തില്‍ എസ് കെ.എസ്.എസ്.എഫ് സംസ്ഥാന വ്യാപകമായി നടത്തുന്ന റമദാന്‍ കാംപയിനിന്റെ ഭാഗമായി ഖുര്‍ആന്‍ സ്റ്റഡി സെന്റര്‍ കേന്ദ്രകമ്മിറ്റി സംഘടിപ്പിക്കുന്ന 14-ാമത് റമദാന്‍ പ്രഭാഷണം ജൂണ്‍ 25 മുതല്‍ ജൂലൈ നാല് വരെ കോഴിക്കോട് അരയിടത്ത് പാലത്ത് നടക്കും.

റഹ്്മത്തുല്ലാഹ് ഖാസിമി മുത്തേടം, സിംസാറുല്‍ഹഖ് ഹുദവി, അന്‍വര്‍ മുഹ്‌യുദ്ദീന്‍ ഹുദവി ആലുവ, ഇബ്‌റാഹിം ഖലീല്‍ അല്‍മാലിക്കി കാസര്‍കോട് പ്രഭാഷണം നടത്തും. പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ചെയര്‍മാനും കെ. മോയിന്‍കുട്ടി മാസ്റ്റര്‍ കണ്‍വീനറുമായി സ്വാഗതസംഘം രൂപികരിച്ച് പ്രവര്‍ത്തനമാരംഭിച്ചു.