മൊഗാദിഷു: സോമാലിയയുടെ പുതിയ പ്രധാനമന്ത്രിയായി ഹസന്‍ അലി ഖൈര്‍ തെരഞ്ഞെടുക്കപ്പെട്ടു. പുതിയ പ്രസിഡന്റ് മുഹമ്മദ് അബ്ദുല്ലാഹി മുഹമ്മദ് ആണു കഴിഞ്ഞ ദിവസം പ്രധാനമന്ത്രിയെ നാമനിര്‍ദേശം ചെയ്തത്. ഫര്‍മാജോ എന്ന പേരില്‍ അറിയപ്പെടുന്ന പ്രസിഡന്റ് ഔദ്യോഗിക ട്വിറ്റര്‍ അക്കൗണ്ടിലൂടെയാണ് ഇക്കാര്യം അറിയിച്ചത്.
രാഷ്ട്രീയ രംഗത്ത് അരങ്ങേറ്റക്കാരനായ ഹസന്‍ അലിക്ക് നോര്‍വീജിയ-സോമാലിയ ഇരട്ട പൗരത്വവുമുണ്ട്. 49കാരനായ അദ്ദേഹം നോര്‍വീജിയന്‍ റഫ്യൂജി കൗണ്‍സിലിന്റെ റീജ്യനല്‍ ഡയറക്ടറും വിവാദ ബ്രിട്ടീഷ് എണ്ണക്കമ്പനിയായി സോമ ഓയില്‍ ആന്‍ഡ് ഗ്യാസിന്റെ ഡയറക്ടറുമാണ്.