വെഞ്ഞാറമൂട്: കാര്‍ ഡിവൈഡറില്‍ ഇടിച്ചു റോഡരികിലെ കുഴിയിലേക്കു മറിഞ്ഞ് യുവാവ് മരിച്ചു. ഒപ്പം സഞ്ചരിച്ചിരുന്ന മാതാവും സഹോദരിയും ഉള്‍പ്പെടെ മൂന്നുപേര്‍ക്കു പരുക്കേറ്റു. പത്തനംതിട്ട നിരപ്പുപാറ നിഷാ ഭവനില്‍ നിഥിന്‍ വാസു (23) ആണ് മരിച്ചത്. ഇയാളുടെ മാതാവ് ഉഷ, സഹോദരി നിഷ, അനന്തു എന്നിവര്‍ക്കാണ് പരുക്കേറ്റത്. ഇന്നലെ രാവിലെ ഒന്‍പതരയോടെ ഉദിമൂട്ടിലായിരുന്നു അപകടം.
പത്തനംതിട്ടയില്‍ നിന്നും തിരുവനന്തപുരം മെഡിക്കല്‍കോളജിലേക്കുള്ള യാത്രയ്ക്കിടെ അല്‍പ്പനേരം നിര്‍ത്തിയിട്ടിരുന്ന കാര്‍ സ്റ്റാര്‍ട്ട് ചെയ്ത് മുന്നോട്ടെടുക്കുന്നതിനിടെ നിയന്ത്രണംവിട്ട് എതിര്‍ദിശയിലേക്ക് പാഞ്ഞുകയറി ഡിവൈഡറില്‍ ഇടിച്ച് പത്തടി താഴ്ചയില്‍ സമീപത്തെ കുഴിയിലേക്കു മറിയുകയായിരുന്നു. ്‌വെഞ്ഞാറമൂട് ഫയര്‍ഫോഴ്‌സും പൊലിസും ചേര്‍ന്നാണ് രക്ഷാ പ്രവര്‍ത്തനം നടത്തിയത്. പരുക്കേറ്റവരെ ശ്രീഗോകുലം മെഡിക്കല്‍കോളജില്‍ പ്രവേശിപ്പിച്ചു.