വടക്കാഞ്ചേരി: പ്രായപൂര്‍ത്തിയാകാത്ത പെണ്‍കുട്ടിയെ വടക്കാഞ്ചേരിയില്‍ നിന്ന് തട്ടിക്കൊണ്ടു പോയി മുംബൈയില്‍ വച്ച് പീഡിപ്പിക്കുകയും പൊലിസിന്റെ കണ്ണുവെട്ടിച്ച് മുംബൈയില്‍ ഒളിവില്‍ കഴിയുകയും ചെയ്ത യുവാവ് ഒരു വര്‍ഷത്തിന് ശേഷം പിടിയില്‍. മുംബൈ വിരാര്‍ ഈസ്റ്റില്‍ താമസിക്കുന്ന ഇമ്രാന്‍ യൂസഫ് മിസ്ത്രി (33) യാണ് പിടിയിലായത്.
വിരാര്‍ ഈസ്റ്റിലെ കുപ്രസിദ്ധ ഗുണ്ടയായ പ്രതിയെ നിരവധി ദിവസത്തെ നിരീക്ഷണത്തിലൂടെ കെണിയൊരുക്കിയാണ് വലയിലാക്കിയത്. കൂട്ടാളികള്‍ അറിഞ്ഞ് സംഘടിക്കുന്നതിനു മുന്‍പ് പൊലിസ് യൂസഫ് മിസ്ത്രിയുമായി കേരളത്തിലേക്ക് മടങ്ങി. തൃശൂര്‍ പോക്‌സോ കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.