തേഞ്ഞിപ്പലം: നീരോല്‍പ്പാലത്തു മൂന്ന് വയസുകാരനു തെരുവുനായയുടെ കടിയേറ്റു. കള്ളിയന്‍ പനിച്ചിയില്‍ അബ്ബാസിന്റെ മകന്‍ അദ്‌നാനാണ് കടിയേറ്റത്. വീട്ടുമുറ്റത്ത് കളിച്ചുകൊണ്ടിരിക്കുകയായിരുന്നു കുട്ടി. സംഭവത്തെ തുടര്‍ന്ന് ഓടിക്കൂടിയ നാട്ടുകാര്‍ കുട്ടിയെ രക്ഷപ്പെടുത്തുകയായിരുന്നു. പരുക്കേറ്റ അദ്‌നാനെ കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയ്ക്കു വിധേയമാക്കി.