കല്‍പ്പറ്റ: ശാരീരിക വെല്ലുവിളികള്‍ നേരിടുന്നവരുടെ അന്തര്‍ സംസ്ഥാന ടി20 ടൂര്‍ണമെന്റിന് വയനാട്ടില്‍ തുടക്കമായി. കേരളം, കര്‍ണാടക, പോണ്ടിച്ചേരി ടീമുകള്‍ മത്സരിക്കുന്ന ടൂര്‍ണമെന്റില്‍ കേരളവും കര്‍ണാടയും ഫൈനലില്‍ പ്രവേശിച്ചു.
നേരത്തേ ഉദ്ഘാടന മത്സരത്തില്‍ ഉദ്ഘാടന മത്സരത്തില്‍ കേരളം പോണ്ടിച്ചേരിയെ 25 റണ്‍സിന് പരാജയപ്പെടുത്തിയാണ് കേരളം ഫൈനലിലെത്തിയത്. കേരളത്തിനായി സനോജ് മനയില്‍ 29 റണ്‍സും രണ്ട് വിക്കറ്റും വീഴ്ത്തി. എം.ടി ഷൈജുവും രണ്ട് വിക്കറ്റ് വീഴ്ത്തി. മുഹമ്മദ് ഷാഫി, അബ്ദുല്‍ സമദ് എന്നിവര്‍ ഓരോ വിക്കറ്റും നേടി.
രണ്ടാം മത്സരത്തില്‍ പോണ്ടിച്ചേരിയെ തകര്‍ത്ത കര്‍ണാടക മൂന്നാം മത്സരത്തില്‍ കേരളത്തെയും തകര്‍ത്ത് ഫൈനലിലെത്തിയത്. കേരളത്തെ 9 റണ്‍സിനാണ് കര്‍ണാടക തകര്‍ത്തത്.