കോഴിക്കോട്: മിഠായിത്തെരുവിലെ തീപിടിത്തതിന്റെ കനലണയും മുന്‍പേ നഗരത്തില്‍ വീണ്ടും അഗ്നിബാധ.
ഇന്നലെ രാവിലെ പതിനൊന്നോടെ കോഴിക്കോട് കെ.എസ്.ആര്‍.ടി.സി ബസ് ടെര്‍മിനലിനു എതിര്‍വശത്തുള്ള ഹോട്ടല്‍ ജിനാനിലാണ് തീപിടിത്തമുണ്ടായത്. അടുക്കളയില്‍ നിന്നാണ് തീ പടര്‍ന്നത്. ബീച്ച് ഫയര്‍ യൂനിറ്റ് സ്ഥലത്തെത്തി തീയണച്ചു.
കാര്യമായ നാശനഷ്ടങ്ങളില്ല. സ്റ്റേഷന്‍ ഓഫിസര്‍ കെ.എം ജോര്‍ജ്, അസിസ്റ്റന്റ് ഓഫിസര്‍ വി.കെ ബിജു, ലീഡിങ് ഫയര്‍മാന്മാരായ ടി.വി പൗലോസ്, വി.പി അജയന്‍ എന്നിവരടങ്ങുന്ന സംഘമാണ് തീയണച്ചത്.