പുതുക്കാട്: പാലപ്പിള്ളി റേയ്ഞ്ചിലെ പാറകാട് പൊളിക്കല്ല് വനമേഖലയില്‍ ആനയെ ചരിഞ്ഞ നിലയില്‍ കണ്ടെത്തി. പത്ത് വയസ് തോന്നിക്കുന്ന കൊമ്പന്റ ജഡമാണ് വനം വകുപ്പ് അധികൃതര്‍ കണ്ടെത്തിയത്. ജഡത്തിന് രണ്ട് ദിവസത്തെ പഴക്കമുണ്ടെന്ന് അധികൃതര്‍ അറിയിച്ചു. ജനവാസകേന്ദ്രത്തില്‍ നിന്ന് അഞ്ച് കിലോമീറ്റര്‍ അകലെയാണ് ആനയുടെ ജഡം കണ്ടെത്തിയത്. വനംവകുപ്പ് വെറ്ററിനറി സര്‍ജന്റെ നേതൃത്വത്തില്‍ പോസ്റ്റ്‌മോര്‍ട്ടം നടപടികള്‍ ആരംഭിച്ചു. അസുഖം ബാധിച്ച് ചരിഞ്ഞതാണെന്നും ദുരൂഹതകള്‍ ഇല്ലെന്നും പ്രാഥമിക നിഗമനം. റേഞ്ച് ഓഫിസര്‍ പ്രേം ഷമീറിന്റെ നേതൃത്വത്തിലുള്ള സംഘം സ്ഥലത്തെത്തിയിട്ടുണ്ട്.