തിരുവനന്തപുരം: ആര്‍.എസ്.എസ് കാര്യാലയത്തില്‍ പൊലിസ് റെയ്ഡ്. നെടുമങ്ങാട് ആര്‍.എസ്.എസ് ജില്ലാ കാര്യാലയത്തിലാണ് റെയ്ഡ് നടന്നത്. പരിശോധനയില്‍ വാള്‍, കത്തി, ദണ്ഡ് തുടങ്ങിയ ആയുധങ്ങള്‍ പൊലിസ് പിടിച്ചെടുത്തു. ബി.ജെ.പി പിന്തുണയോടെ ശബരിമല കര്‍മസമിതി ആഹ്വാനം ചെയ്ത ഹര്‍ത്താലിനിടെ നെടുമങ്ങാട് പൊലിസ് സ്‌റ്റേഷന് നേരെ ബോംബേറുണ്ടായ സംഭവത്തിലാണ് പൊലിസ് നടപടി.

ഹര്‍ത്താല്‍ ദിവസം നടന്ന റെയ്ഡിലെ മുഖ്യപ്രതിയായ ആര്‍.എസ്.എസ് ജില്ലാ പ്രചാരക് പ്രവീണ്‍ ഇപ്പോഴും ഒളിവിലാണ്. ഇയാള്‍ പൊലിസ് സ്്‌റ്റേഷനിലേക്ക് ബോംബെറിയുന്നതിന്റെ സി.സി ടി.വി ദൃശ്യങ്ങള്‍ ലഭിച്ചിരുന്നു.