കന്‍സാസ്, യു.എസ്: യു.എസില്‍ ഇന്ത്യന്‍ പൗരനായ എഞ്ചിനീയറെ വെടിവെച്ചു കൊന്നു. ഹൈദരാബാദുകാരനായ ശ്രീനിവാസ് കുച്ചിബോട്‌ല(32) ആണ് കൊല്ലപ്പെട്ടത്. സുഹൃത്ത് അലോക് മഡസാനി ഗുരുതരാവസ്ഥയില്‍ ചികിത്സയിലാണ്. ' എന്റെ രാജ്യത്ത് നിന്ന് പുറത്തു പോകൂ' എന്ന് ആക്രോശിച്ചു കൊണ്ട് അമേരിക്കക്കാരനായ ഒരാള്‍ വെടിവെക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.

51കാരനായ മുന്‍ സൈനികനാണ് അദം പുരിന്‍ടനാണ് ഇവര്‍ക്കു നേരെ വെടിയുതിര്‍ത്തത്. ഇയാളെ പൊലിസ് അറസ്റ്റു ചെയ്തു. ഇയാള്‍ നാവികസേനയിലാണ് ജോലിചെയ്തിരുന്നത്. അദമിനുമേല്‍ കൊലപാതകക്കുറ്റം ചുമത്തിയതായി പൊലിസ് പറഞ്ഞു. വെടി വെക്കുന്ന സമയത്ത് ഇയാള്‍ മദ്യപിച്ചിരുന്നതായാണ് സൂചന.