തിരുവനന്തപുരം: ഐ. എച്ച്. ആര്‍. ഡിയുടെ കീഴില്‍ പ്രവര്‍ത്തിക്കുന്ന എട്ട് മോഡല്‍ പോളിടെക്‌നിക് കോളജുകളില്‍ ഡിപ്‌ളോമ പ്രവേശനത്തിന് അപേക്ഷിക്കാനുള്ള തീയതി ജൂണ്‍ 15 വൈകുന്നേരം അഞ്ചുമണി വരെ നീട്ടി. www.ihrdmptc.org എന്ന അഡ്മിഷന്‍ പോര്‍ട്ടല്‍ വഴി അപേക്ഷ സമര്‍പ്പിക്കാം. ഓണ്‍ലൈനായി സമര്‍പ്പിച്ച അപേക്ഷയുടെ പ്രിന്റ് ഔട്ടും അനുബന്ധ രേഖകളും സഹിതം ജൂണ്‍ 16ന് നാലു മണിക്കുമുമ്പ് പ്രവേശനം ആഗ്രഹിക്കുന്ന കോളജ് പ്രിന്‍സിപ്പലിനു സമര്‍പ്പിക്കണം. വിശദവിവരം അഡ്മിഷന്‍ പോര്‍ട്ടലില്‍ ലഭിക്കും.