ഡമസ്‌കസ്: സിറിയയിലെ അല്‍ ബാബിലുണ്ടായ കാര്‍ ബോംബ് സ്‌ഫോടനത്തില്‍ 29 പേര്‍ കൊല്ലപ്പെട്ടു. നിരവധിയാളുകള്‍ക്ക് പരുക്കേറ്റു. അല്‍ ബാബില്‍ നിന്ന് എട്ടു കിലോമീറ്റര്‍ അകലെയുള്ള സൂസെയ്‌നില്‍ സൈനിക കേന്ദ്രത്തിനു സമീപമായിരുന്നു സ്‌ഫോടനം. സ്‌ഫോടനത്തിനു പിന്നില്‍ ഐ.എസ് ആണെന്നാണ് സൂചന.
സൈനിക ചെക്ക പോസ്റ്റിനടുത്ത് ആളുകള്‍ കൂടി നില്‍ക്കുന്നതിനിടയിലേക്ക് അജ്ഞാതന്‍ കാര്‍ ഇടിച്ചു കയറ്റുകയായിരുന്നുവെന്ന് സൈനികവൃത്തങ്ങളെ ഉദ്ധരിച്ചു വരുന്ന റിപ്പോര്‍ട്ടുകള്‍ പറയുന്നു.
പ്രസിഡന്റ് ബശ്ശാര്‍ അല്‍ അസദിനെത്രായ സിറിയന്‍ പ്രക്ഷോഭം ആറു വര്‍ഷം പിന്നിടുകയാണ്. സ്ത്രീകളും കുട്ടികളുമടക്കം ലക്ഷക്കണക്കിനാളുകളാണ് ഇവിടെ ഇതുവരെയായി കൊല്ലപ്പെട്ടത്.