ന്യൂഡല്‍ഹി: രോഹിന്‍ഗ്യന്‍ ജനവിഭാഗത്തിനെതിരേ നടക്കുന്ന അത്രികമങ്ങളില്‍ മ്യാന്‍മര്‍ ഭരണകൂടത്തിനെതിരേ നിലപാട് കടുപ്പിച്ച അന്താരാഷ്ട്ര നീതിന്യായകോടതി. മ്യാന്‍മര്‍ സ്ഥാനപതി ഓങ് സാന്‍സൂചി വിമര്‍ശനങ്ങളെയെല്ലാം ശക്തമായ എതിര്‍ത്തുകൊണ്ട് രംഗത്ത് വന്നതിന് പിന്നാലെയാണ് കോടതിയുടെ ഇടപെടല്‍.

17 ജഡ്ജിമാര്‍ അടങ്ങുന്ന പാനല്‍ ഐക്യകണ്‌ഠേനയാണ് ഇതുസംബന്ധിച്ച ഉത്തരവിറക്കുന്നതുമായി ബന്ധപ്പെട്ട നിര്‍ദേശത്തിനനുകൂലമായി വോട്ടുചെയ്തത്. രോഹിന്‍ഗ്യകള്‍ക്കെതിരായി മ്യാന്‍മറില്‍ നടക്കുന്ന കൂട്ടക്കൊലയും അതിക്രമങ്ങളും അവസാനിപ്പിക്കണമെന്നാണ് കോടതി നിര്‍ദേശം.

ബുദ്ധ മതക്കാര്‍ക്ക് ഭൂരിപക്ഷമുള്ള മ്യാന്‍മറില്‍ 2017ല്‍ നടന്ന സൈനിക നപടയെ തുടര്‍ന്ന് ആയിരക്കണക്കിന് രോഹിന്‍ഗ്യന്‍ ജനവിഭാഗത്തിന് ജീവന്‍ നഷ്ടമാകുകയും ഏഴ് ലക്ഷത്തോളം പേരെ ബംഗ്ലാദേശിലേക്ക് നടുകടത്തുകയും ചെയ്തിതിരുന്നു. കോടതി ഉത്തരവിന്‍മേല്‍ എന്തെല്ലാം നടപടികളാണ് സ്വീകരിച്ചതെന്ന വിശദാംശങ്ങള്‍ നാല് മസാത്തിനകം നല്‍കണമെന്നും മുതിര്‍ന്ന ന്യായാധിപന്‍ അബ്ദുല്‍ഖവി അഹമ്മദ് യൂസഫ് വ്യക്തമാക്കിയിട്ടുണ്ട്.