താമരശ്ശേരി: അഞ്ചു ലിറ്റര്‍ ചാരായവുമായി ഒരാള്‍ പിടിയിലായി. കെടവൂര്‍ ഇരുള്‍കുന്ന് നാലുസെന്റ് കോളനിയിലെ ഇമ്പിച്ചീരന്‍(70) ആണു പിടിയിലായത്. താമരശ്ശേരി, കട്ടിപ്പാറ, കോരങ്ങാട്, ഇരുള്‍കുന്ന് എന്നിവിടങ്ങളില്‍ താമരശ്ശേരി എക്‌സൈസ് ഇന്‍സ്‌പെക്ടര്‍ പി. സഹദുല്ലയുടെ നേതൃത്വത്തില്‍ നടന്ന റെയ്ഡിലാണ് ഇയാള്‍ പിടിയിലായത്. പ്രതിയെ താമരശ്ശേരി കോടതി റിമാന്‍ഡ് ചെയ്തു. പ്രിവന്റിവ് ഓഫിസര്‍ കെ. ഗിരീഷ്, സിവില്‍ എക്‌സൈസ് ഓഫിസര്‍മാരായ എന്‍.പി വിവേക്, ടി. നൗഫല്‍, കെ.പി രാജന്‍, ആര്‍.കെ ദിനേശ്, പി. സുരേഷ് ബാബു എന്നിവരാണ് റെയ്ഡ് നടത്തിയത്.