തെഹ്‌റാന്‍: വനിതാ ലോക ചെസ് ചാംപ്യന്‍ഷിപ്പിലെ ആദ്യ സെമി ഫൈനലില്‍ ഹരികയ്ക്ക് തോല്‍വി. ചൈനയുടെ താന്‍ സോങിയോടാണ് പരാജയപ്പെട്ടത്. മികവോടെ സെമിയിലെത്തിയ ഹരികയ്ക്ക് തൊട്ടതെല്ലാം പിഴച്ച ദിവസമായിരുന്നു ഇന്നലെ. യാതൊരവസരവും നല്‍കാതെ ചൈനീസ് താരം മത്സരം സ്വന്തമാക്കിയിരുന്നു. അതേസമയം ടൂര്‍ണമെന്റില്‍ ഹരികയുടെ തുടര്‍ച്ചയായ മൂന്നാം സെമി ഫൈനല്‍ മത്സരമായിരുന്നു ഇത്.
തോല്‍വിയോടെ താരം സമ്മര്‍ദത്തിലായി. ഇനിയുള്ള രണ്ടു മിനു മത്സരങ്ങളില്‍ ഏതെങ്കിലുമൊന്നില്‍ വിജയിച്ചാല്‍ ടൂര്‍ണമെന്റില്‍ താരത്തിന് സാധ്യതയുണ്ട്. എന്നാല്‍ സമനിലയോ തോല്‍വിയോ വഴങ്ങിയാല്‍ ഹരിക ടൂര്‍ണമെന്റില്‍ നിന്ന് പുറത്താകും. രണ്ടാം സെമിയില്‍ റഷ്യയുടെ അലക്‌സാന്‍ഡ്ര കൊസ്‌തെനിയുക് ഉക്രൈന്റെ അന്നാ മുസിച്ചുക്കിനോട് പരാജയപ്പെട്ടു. ജയിക്കാവുന്ന മത്സരമാണ് റഷ്യന്‍ താരം കളഞ്ഞു കുളിച്ചത്.