ഒളവണ്ണ: പ്രശസ്ത ജീവകാരുണ്യ പ്രവര്‍ത്തകനും ഒളവണ്ണ ഗ്രാമ പഞ്ചായത്തംഗവുമായ മീത്തില്‍ അബ്ദുല്‍ അസീസിന്റെ വര്‍ഷങ്ങളായുള്ള ജീവകാരുണ്യ പ്രവര്‍ത്തനങ്ങളുടെ വിവരങ്ങള്‍ ഉള്‍പ്പെടുത്തി വെബ്‌സൈറ്റ് രൂപീകരിച്ചു.
ാമറമവേശഹമയറൗമ്വലല്വ.രീാ എന്ന വെബ്‌സൈറ്റാണ് ഒരുക്കിയത്. ഒളവണ്ണയില്‍ ചേര്‍ന്ന ചടങ്ങില്‍ വി.കെ.സി മമ്മദ് കോയ എം.എല്‍.എ ഉദ്ഘാടനം നിര്‍വഹിച്ചു. അബ്ദുല്‍ അസീസ് കര്‍മനിരതനായ നിരവധി ദുരന്തമുഖങ്ങളിലെ ചിത്രങ്ങളും ലഭിച്ച അംഗീകാരങ്ങളുടെയും പുരസ്‌കാരങ്ങളുടെയും പത്രവാര്‍ത്തകളുമടങ്ങുന്ന വെബ്‌സൈറ്റ് തയ്യാറാക്കിയത് കോഴിക്കോട് സര്‍ക്കാര്‍ സൈബര്‍ പാര്‍ക്കില്‍ പ്രവര്‍ത്തിക്കുന്ന ജി. ഡാറ്റ എന്ന സ്ഥാപനമാണ്. സേവന പ്രവര്‍ത്തനങ്ങളുടെ പ്രാധാന്യവും ദുരന്തമുഖങ്ങളില്‍ സഹജീവികളുടെ രക്ഷകനാകേണ്ടത് ഓരോ മനുഷ്യന്റെയും കര്‍ത്തവ്യമാണെന്ന സന്ദേശവും വരും തലമുറകള്‍ക്ക് മനസ്സിലാക്കുന്നതിന് ഇത് പ്രയോജനപ്പെടുമെന്ന് എം.എല്‍.എ അഭിപ്രായപ്പെട്ടു.
ചടങ്ങില്‍ പെരുവയല്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് എ.ഷിയാലി, പി.കെ ബാബുരാജ്, കെ. സിദ്ദീഖ്, കെ. റംഷാദ് സംബന്ധിച്ചു.