മുക്കം: തിരുവമ്പാടി നിയോജക മണ്ഡലത്തിലെ വിവിധ റോഡുകളുടെ പുനരുദ്ധാരണ പ്രവൃത്തികള്‍ക്കായി 85 ലക്ഷം രൂപയുടെ ഭരണാനുമതിയായി. 2018- 19 വര്‍ഷത്തെ വെള്ളപ്പൊക്ക ദുരിതാശ്വാസ പ്രവര്‍ത്തനങ്ങളുടെ ഭാഗമായാണ് ദുരന്തനിവാരണ വകുപ്പ് ഫണ്ട് അനുവദിച്ചതെന്ന് ജോര്‍ജ് എം. തോമസ് എം.എല്‍.എ അറിയിച്ചു.  തേക്കുംകുറ്റി - തൊമ്മന്‍കട- കുറിഞ്ഞിപ്പാറ റോഡിന് (കാരശ്ശേരി) എട്ട് ലക്ഷം, കാരശ്ശേരി പഞ്ചായത്തിലെ നെല്ലിക്കാപറമ്പ് - സര്‍ക്കാര്‍പറമ്പ് - കക്കാട് റോഡിന് അഞ്ച് ലക്ഷം, കൊടിയത്തൂര്‍ പഞ്ചായത്തിലെ കൊതയംചാല്‍ - മുണ്ടോട്ട് കുളങ്ങര റോഡിന് നാല് ലക്ഷം,സൗത്ത് കൊടിയത്തൂര്‍ - എടവഴികടവ് റോഡിന് നാല് ലക്ഷം, മുക്കം നഗരസഭയിലെ കാഞ്ഞിരമുഴി - പറശ്ശേരിപറമ്പ് റോഡിന് നാല് ലക്ഷം, പുതിയിടത്തില്‍ - കോതാലത്ത് റോഡിന് നാല് ലക്ഷം, മുക്കം കെ.എസ്.ഇ.ബി ഓഫിസ് - മാമ്പൊയില്‍ റോഡിന് നാല് ലക്ഷം, പുതുപ്പാടി പഞ്ചായത്തിലെ വനപര്‍വ്വം - പുഴയോരം റോഡിന് നാല് ലക്ഷം, മമ്മുണ്ണിപടി - ഫാക്ടറിപടി റോഡിന് നാല് ലക്ഷം, കണ്ണപ്പന്‍കുണ്ട്- വള്ളിയാട് റോഡിന് 10 ലക്ഷം, കോടഞ്ചേരി പഞ്ചായത്തിലെ കണ്ണോത്ത് - കാളിറാവ് - തെയ്യപ്പാറ റോഡിന് 10 ലക്ഷം, മൈക്കാവ് - മാനാംകുന്ന് റോഡിന് നാല് ലക്ഷം, നെല്ലിപ്പൊയില്‍ -കുരങ്ങന്‍പാറ റോഡിന് നാല് ലക്ഷം, തിരുവമ്പാടി പഞ്ചായത്തിലെ മരക്കാട്ട്പുറം - ചാലില്‍തൊടിക റോഡിന് നാല് ലക്ഷം, കൂടരഞ്ഞി പഞ്ചായത്തിലെ പനക്കച്ചാല്‍ - അമ്പാട്ട്പടി റോഡിന് മൂന്ന് ലക്ഷം, പട്ടോത്ത് - കോലോത്തുംകടവ് - കൊമ്മ റോഡിന് അഞ്ച് ലക്ഷം, കൂമ്പാറ - തെങ്ങുംകുന്ന് റോഡിന് നാല് ലക്ഷം എന്നിങ്ങനെയാണ് ഫണ്ട് അനുവദിച്ചത്.