കണ്ണൂര്‍: പയ്യന്നൂര്‍ മലയാള ഭാഷാപാഠശാലയുടെ ഈവര്‍ഷത്തെ വിവിധ അവാര്‍ഡുകള്‍ പ്രഖ്യാപിച്ചു.

കവിതയ്ക്കുള്ള സഞ്ജയന്‍ സ്മാരക അവാര്‍ഡിന് കവി പ്രഭാവര്‍മ അര്‍ഹനായി. നോവല്‍ മേഖലയില്‍ ഒ. ചന്തുമേനോന്‍ അവാര്‍ഡ് എഴുത്തുകാരി കെ.ആര്‍ മീരയ്ക്കും കെ.ടി മുഹമ്മദ് അവാര്‍ഡ് സംവിധായകന്‍ പ്രമോദ് പയ്യന്നൂരിനും ലഭിച്ചു. 15,000 രൂപയും പ്രശസ്തിപത്രവും അടങ്ങുന്നതാണ് അവാര്‍ഡ്. കവി പി.കെ.ഗോപി ജൂറി ചെയര്‍മാനായുള്ള കമ്മിറ്റിയാണ് അവാര്‍ഡിനര്‍ഹരായവരെ തിരഞ്ഞെടുത്തത്. ഓഗസ്റ്റ് ആദ്യവാരം കണ്ണൂരില്‍ അവാര്‍ഡുകള്‍ വിതരണം ചെയ്യും.

വാര്‍ത്താസമ്മേളനത്തില്‍ ജൂറി ചെയര്‍മാന്‍ കവി പി.കെ.ഗോപി, ടി.പി.ഭാസ്‌കരപൊതുവാള്‍, രഞ്ജിത്ത് സര്‍ക്കാര്‍, ഹരീഷ്‌കുമാര്‍ ഏച്ചൂര്‍, കെ.പി ജയപാലന്‍ സംബന്ധിച്ചു.