പേരാമ്പ്ര: പേരാമ്പ്ര പട്ടണത്തിലെ എളമാരന്‍ കുളങ്ങരക്ഷേത്രനടയില്‍ നിര്‍ത്തിയിട്ട ബൈക്കില്‍ നിന്നു പണവും വിലപിടിപ്പുള്ള രേഖകളും മോഷണം പോയതായി പേരാമ്പ്ര പൊലിസില്‍ പരാതി. വെള്ളിയാഴ്ച വൈകിട്ട് ആറിന് നരയംകുളം കുന്നത്ത് ജുബീഷിന്റെ ഗഘ 56 ഒ 803 രജിസ്‌ട്രേഷന്‍ ബൈക്കില്‍ നിന്നുമാണ് 8,000 രൂപ, ഏ.ടി.എം കാര്‍ഡുകള്‍, ലൈസന്‍സുകള്‍, ദുബൈ വിസ, പാസ്‌പോര്‍ട്ട് എന്നിവ നഷ്ടപ്പെട്ടത്.
ബൈക്കിന്റെ കാശ് ബോര്‍ഡ് പിഴുതെടുത്താണ് മോഷണം നടത്തിയത്. തൊട്ടുടത്ത കടയില്‍ സാധനങ്ങള്‍ വാങ്ങാന്‍ പോയ സമയത്താണ് മോഷണം. ജനറല്‍ ഏജന്‍സീസ് സ്ഥാപനത്തിന്റെ സി.സി ടി.വിയില്‍ കുട്ടികളായ മൂന്ന് പേര്‍ മോഷണം നടത്തി ഓടിപോകുന്ന രംഗം പതിഞ്ഞ കാര്യം ജുബീഷ് പരാതിയില്‍ സൂചിപ്പിച്ചിട്ടുണ്ട്.