നാദാപുരം: അര്‍ധരാത്രി വീടിനു നേരെ എറിഞ്ഞ ബോംബ് തെങ്ങില്‍ തട്ടി നിലത്തു പതിച്ചതിനാല്‍ വന്‍ അപകടം ഒഴിവായി. പേരോട്ടെ തേമങ്കണ്ടി അമ്മദിന്റെ വീടിനു നേരെയാണ് കഴിഞ്ഞ ദിവസം രാത്രി പന്ത്രണ്ടണ്ടരയോടെ സ്റ്റീല്‍ ബോംബെറിഞ്ഞത്. വീടിനു നേരെ ലക്ഷ്യംവച്ച് എറിഞ്ഞ ബോംബ് തൊട്ടടുത്ത തെങ്ങില്‍ തട്ടിയതിനാല്‍ നിലത്തു വീണു പൊട്ടുകയായിരുന്നു. സ്ഥലത്തു നിന്നും വളരെ അകലെ പട്രോളിങ് നടത്തുകയായിരുന്ന പൊലിസ് സംഘം സ്‌ഫോടന ശബ്ദം കേട്ടതിനെത്തുടര്‍ന്നു സ്ഥലത്തു വന്നു നടത്തിയ പരിശോധനയിലാണ് ബോംബിന്റെ അവശിഷ്ടങ്ങള്‍ ക@െണ്ടത്തിയത്. പൊലിസ് കേസെടുത്തു. മൂന്നു ദിവസം മുന്‍പ് ഏതാനും അകലെ താമസിക്കുന്ന സി.പി.എം പ്രാദേശിക നേതാവിന്റെ വീടിനു നേരെയും ബോംബേറ് നടന്നിരുന്നു.