കൊയിലാണ്ടി: ദേശീയപാതയില്‍ പൂക്കാട് സ്വകാര്യ ബസും കാറും കൂട്ടിയിടിച്ച് ഏഴുപേര്‍ക്ക് പരുക്ക്. കണ്ണൂര്‍ സ്വദേശികളായ കാര്‍ ഡ്രൈവര്‍ സാബിത്ത് (27), ആസിയ(28), അയ്യൂബ്(51), ഹസീന (21), റൈഹാന്‍ (4), ഷിബിന (15), ഫാത്തിമ (2) എന്നിവര്‍ക്കാണ് പരുക്കേറ്റത്. ഇവരെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു.
കഴിഞ്ഞ ദിവസം പുലര്‍ച്ചെ 6.15 ഓടെയാണ് അപകടം. കരിപ്പൂരിലേക്ക് പോകുകയായിരുന്ന കാറും തലശ്ശേരിയിലേക്ക് പോകുകയായിരുന്ന ബസുമാണ് കൂട്ടിയിടിച്ചത്.
ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. ബീച്ച് ഫാര്‍ഫോഴ്‌സ് എത്തിയാണ് കാറോടിച്ച സാബിത്തിനെ പുറത്തെടുത്തത്.