മേപ്പാടി: താഴെ അരപ്പറ്റയില്‍ തേയിലത്തോട്ടത്തിന് സമീപത്തെ ചതുപ്പില്‍ നിന്നും പത നുരഞ്ഞ് പൊന്തിയത് കൗതുകത്തിനും ആശങ്കയ്ക്കും കാരണമായി. പത്തടിയിലേറെ പൊക്കത്തിലാണ് സോപ്പ് പത പോലെ നുരഞ്ഞ് പൊന്തിയത്.  ഇന്നലെ രാവിലെയായിരുന്നു സംഭവം. വെള്ളത്തില്‍ രാസവസ്തുകലര്‍ന്നതാണോ നുരഞ്ഞ് പൊങ്ങാന്‍ കാരണമെന്ന് സംശയിക്കുന്നുണ്ട്. പ്രതിഭാസം കാണാന്‍ നിരവധി പേരാണ് പ്രദേശത്ത് എത്തിയത്. താഴേ അരപ്പറ്റ അഞ്ചേക്കര്‍ എസ്റ്റേറ്റ് പാടിക്ക് സമീപത്തെ ചതുപ്പില്‍ നിന്നാണ് വന്‍തോതില്‍ നുരഞ്ഞു പൊന്തിയത്.കഴിഞ്ഞ ദിവസവും സമാനമായ പ്രതിഭാസം കണ്ടിരുന്നു. കുടിവെള്ള പദ്ധതിയുടെ കിണറിന് തൊട്ടടുത്താണ് പതഞ്ഞ് പൊന്തിയത്. ഇതാണ് കൂടുതല്‍ ആശങ്കയ്ക്ക് കാരണമായത്.