പുലാമന്തോള്‍: നിലമ്പൂര്‍ പെരുമ്പിലാവ് സംസ്ഥാന പാതയില്‍ കട്ടുപ്പാറ കണ്ടപ്പത്ത് പാലം വളവില്‍ ഇന്നോവ കാറില്‍ ബൈക്കിടിച്ച് ബൈക്ക് യാത്രികന് ഗുരുതരമായി പരുക്കേറ്റു. ഇന്നലെ രാവിലെ പത്തു മണിയോടെയാണ് അപകടം.
പെരിന്തല്‍മണ്ണ ഭാഗത്തേക്ക് പോവുകയായിരുന്ന ഇന്നോവ കാര്‍ അപകടവളവില്‍ മറ്റൊരു വാഹനത്തെ മറികടക്കാന്‍ ശ്രമിക്കവേ എതിരേ വന്ന ബൈക്കുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ ബൈക്ക് യാത്രികന്‍ തെറിച്ചുവീണു. തലക്ക് ഗുരുതരമായി പരുക്കേറ്റ വറ്റല്ലൂര്‍ സ്വദേശി ചൊവ്വാംകുന്നത്ത് വിനീഷിനെ പെരിന്തല്‍മണ്ണ മൗലാന ആശുപത്രിയില്‍ പ്രവേശിപ്പിച്ചു. അര മണിക്കൂറിലേറെ വാഹനഗതാഗതം ഭാഗികമായി തടസപ്പെട്ടു.