അമ്പലപ്പുഴ: നങ്കൂരമിട്ടിരുന്ന മത്സ്യബന്ധന വള്ളത്തിന് തീപിടിച്ചു വള്ളവും ഇലക്ട്രിക് ഉപകരണങ്ങളും കത്തിനശിച്ചു. നീര്‍ക്കുന്നം കടലില്‍ നങ്കൂരമിട്ടിരുന്ന അന്നദാനം എന്ന വള്ളമാണ് കത്തിനശിച്ചത്.
ഇന്നലെ രാവിലെ മത്സ്യബന്ധനത്തിന് പോകാനായി എത്തിയപ്പോഴാണ് സംഭവം അറിയുന്നത്. ജി.പി.എസ്.എക്കൊ സൗണ്ടര്‍, ക്യാമറ, വയര്‍ലസ് സെറ്റ് തുടങ്ങിയ ഉപകരണങ്ങളാണ് കത്തിനശിച്ചത്. ഏകദേശം 3 ലക്ഷം രൂപയുടെ നഷ്ടം ഉണ്ടായതായി ഉടമകളായ ബിജു, കുഞ്ഞുമോന്‍, ജോയി, രാജേഷ് എന്നിവര്‍ പറഞ്ഞു.