ന്യൂഡല്‍ഹി: പൗരത്വ നിയമ ഭേദഗതിക്കെതിരായ പ്രതിഷേധങ്ങള്‍ രാജ്യത്തു തുടരവേ, വിവാദ നീക്കവുമായി ബാബാ രാംദേവ്. പൗരത്വ നിയമ ഭേദഗതിക്കെതിരേ ഡല്‍ഹിയിലെ ഷഹീന്‍ബാഗില്‍ പ്രതിഷേധിക്കുന്നവരെ ഇന്നു സന്ദര്‍ശിക്കുമെന്നാണ് അദ്ദേഹം അറിയിച്ചിരിക്കുന്നത്.
പൗരത്വ നിയമ ഭേദഗതിയെ നേരത്തേതന്നെ അംഗീകരിക്കുന്ന അദ്ദേഹം എന്തിനാണ് ഷഹീന്‍ബാഗിലെത്തുന്നതെന്നു വ്യക്തമല്ല. പ്രതിഷേധങ്ങള്‍ കേള്‍ക്കാനും മുസ്‌ലിം വിഭാഗം അവഗണന നേരിടുന്നുവെങ്കില്‍ അവരെ പിന്തുണ അറിയിക്കുന്നതിനുമാണ് തന്റെ സന്ദര്‍ശനമെന്നാണ് ബാബാ രാംദേവിന്റെ വിശദീകരണം. ഹിന്ദു, മുസ്‌ലിം വിഭാഗങ്ങള്‍ തമ്മില്‍ പ്രശ്‌നം ആഗ്രഹിക്കുന്നില്ലെന്നും എന്നാല്‍, പ്രതിഷേധങ്ങള്‍ ഭരണഘടനാപരമാകണമെന്നും അദ്ദേഹം പറഞ്ഞു.