ചക്കരക്കല്‍: അക്രമകേസില്‍ പ്രതിയായി മുങ്ങി നനടക്കുകയായിരുന്നയാളെ 22 വര്‍ഷത്തിനു ശേഷം ചക്കരക്കല്‍ പൊലിസ് പിടികൂടി. മാണിയൂര്‍ ചെറുവത്തലമൊട്ട സ്വദേശി ചുണ്ടക്കുന്നുല്‍ അബൂബക്ക(52)റാണ് അറസ്റ്റിലായത്. രഹസ്യ വിവരത്തെ തുടര്‍ന്ന് നടത്തിയ പരിശോധനയ്ക്കിടെ നീലേശ്വരം മുക്കട പള്ളിക്ക് സമീപം വച്ച് ഇന്നലെ രാത്രിയാണ് അബൂബക്കര്‍ അറസ്റ്റിലായത്. 1995ല്‍ സ്വന്തം വീട്ടു പരിസരത്ത് ചിലരുമായുണ്ടായ വാക്തര്‍ക്കത്തിനിടെ നടന്ന അടിപിടിക്കേസില്‍ പ്രതിയായതിനു ശേഷം ഗള്‍ഫിലേക്ക് മുങ്ങി. കോടതി ഇയാളെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. അടുത്തിടെ നാട്ടിലെത്തിയ ഇയാള്‍ നീലേശ്വരത്ത് താമസിച്ചുവരികയായിരുന്നു.