ഫൈസാബാദ്: വൈജ്ഞാനിക ചര്‍ച്ചകളൊരുക്കി പള്ളിദര്‍സ് വിദ്യാര്‍ഥികളുടെ സംഗമം 'മുല്‍ത്തഖദ്ദാരിസീന്‍' ജാമിഅ സമ്മേളനത്തില്‍ ശ്രദ്ധേയമായി.
ഇന്നലെ രാവിലെ മുതല്‍ വൈകിട്ട് വരെ നടന്ന സംഗമത്തിനു സംസ്ഥാനത്തെ പള്ളിദര്‍സുകളില്‍ നിന്നുള്ള പ്രതിനിധികളാണ് പങ്കെടുത്തത്. സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. സയ്യിദ് ബശീറലി ശിഹാബ് തങ്ങള്‍ അധ്യക്ഷനായി.
ആദ്യ സെഷനില്‍ ഉസൂലുല്‍ ഹദീസ് അബ്ദുല്‍ ഗഫൂര്‍ അന്‍വരി മുതൂര്‍, ഉലൂമുല്‍ ഖുര്‍ആന്‍ അബ്ദുറഹ്മാന്‍ ഫൈസി അരിപ്ര, സ്വാഭിമാനം മതവിദ്യ ഡോ.സാലിം ഫൈസി അവതരിപ്പിച്ചു. വാക്കോട് മൊയ്തീന്‍ കുട്ടി ഫൈസി, മുഹമ്മദലി ശിഹാബ് ഫൈസി കൂമണ്ണ, കെ.പി.എം അലി ഫൈസി, മുഹമ്മദ് ഫൈസി പുവ്വത്തിക്കല്‍, മുഹമ്മദ് കുട്ടി ദാരിമി കോടങ്ങാട്, അബ്ദുല്‍ഖാദിര്‍ ഫൈസി കുന്നുംപുറം,സയ്യിദ് ത്വാഹാ ഒ.എം.എസ് തങ്ങള്‍ സംസാരിച്ചു.
ഇന്‍സ്‌പെയര്‍ സെഷനില്‍ സയ്യിദ് സാബിഖലി ശിഹാബ് തങ്ങള്‍ അധ്യക്ഷനായി. ഏലംകുളം ബാപ്പു മുസ്‌ലിയാര്‍ അനുഗ്രഹ പ്രഭാഷണം നടത്തി.
ഇന്‍ഡോ ഇസ്‌ലാമിക് പഠനരീതികളും ആധുനിക വിദ്യാഭ്യാസവും എന്ന വിഷയത്തില്‍ ഓണംപിള്ളി മുഹമ്മദ് ഫൈസി പ്രഭാഷണം നടത്തി. സ്വലാഹുദ്ദീന്‍ ഫൈസി വെന്നിയൂര്‍,സഹല്‍ കട്ടിലശ്ശേരി സംസാരിച്ചു.