ജിദ്ദ: സഊദിയിലെ വടക്കന്‍ അതിര്‍ത്തി പട്ടണമായ അല്‍ഖുറയാത്തില്‍ അന്താരാഷ്​ട്ര പക്ഷിമേള ഈ മാസം 31ന്​ ആരംഭിക്കും. ഏഴ്​ ദിവസം നീളുന്ന മേളയില്‍ യൂറോപ്പ്​, ആഫ്രിക്ക, ഏഷ്യ എന്നീ വന്‍കരകളിലെ 12ഓളം രാജ്യങ്ങള്‍ പ​ങ്കെടുക്കും.

പക്ഷിമേള സാമ്പത്തിക വളര്‍ച്ചക്ക്​ ആക്കംകൂട്ടുമെന്നും മേഖലയിലേക്ക്​ കൂടുതല്‍ വിനോദ സഞ്ചാരികളെ ആകര്‍ഷിക്കുമെന്നും മേളയുടെ സി.ഇ.ഒ സൈന്‍ ശറാരി പറഞ്ഞു. ​വിവിധ സാമൂഹിക, സാംസ്​കാരിക, വിനോദ പരിപാടികളും കുട്ടികള്‍ക്കായി പ്രത്യേക മത്സര പരിപാടികളും മേളയോടനുബന്ധിച്ചുണ്ടാകും. സന്ദര്‍ശകര്‍ക്കും മത്സരത്തില്‍ പങ്കെടുക്കുന്നവര്‍ക്കും സമ്മാനങ്ങളും ഏര്‍പ്പെടുത്തിയിട്ടുണ്ടെന്ന്​ അദ്ദേഹം പറഞ്ഞു.