കോഴിക്കോട്: പൗരത്വ നിയമ ഭേദഗതിക്കെതിരായ പ്രതിഷേധം സംഗമത്തില്‍ പങ്കെടുക്കാന്‍ ഭീം ആര്‍മി നേതാവ് ചന്ദ്രശേഖര്‍ ആസാദ് കോഴിക്കോട്ടെത്തുന്നു. ഇതാദ്യമായാണ് അദ്ദേഹം കേരളത്തിലെത്തുന്നത്. ജനുവരി 31ന് ജനാധിപത്യ സാഹോദര്യ സംരക്ഷണ സമിതിയുടെ നേതൃത്വത്തില്‍ നടത്തുന്ന പീപ്പിള്‍ സമ്മിറ്റ് പരിപാടിയില്‍ അദ്ദേഹം പ്രസംഗിക്കും. കോഴിക്കോട് കടപ്പുറത്ത് വൈകിട്ടാണ് പരിപാടി.

ഡല്‍ഹി ജമാമസ്ജിദിലെ പ്രതിഷേധങ്ങള്‍ക്ക് നേതൃത്വം നല്‍കി ചന്ദ്രശേഖര്‍ ആസാദ് അറസ്റ്റിലായിരുന്നു. തുടര്‍ന്ന് ഒരു മാസക്കാലം റിമാന്‍ഡിലായ ആസാദ് കഴിഞ്ഞ ആഴ്ചയാണ് പുറത്തിറങ്ങിയത്.