പൂനെ: ഇന്ത്യ- ആസ്‌ത്രേലിയ ഒന്നാം ടെസ്റ്റില്‍ ഇന്ത്യക്ക് കനത്ത പരാജയം. ഒന്നാം ടെസ്റ്റ് പൂര്‍ത്തിയാവാന്‍ രണ്ടു ദിവസം ശേഷിക്കെ 333 റണ്‍സിനാണ് ആസ്‌ത്രേലിയയുടെ വിജയം. 13 വര്‍ഷത്തിനു ശേഷമാണ് ഇന്ത്യയില്‍ വച്ച് ഇന്ത്യ ആസ്‌ത്രേലിയയോട് തോല്‍ക്കുന്നതെന്ന പ്രത്യേകതയുമുണ്ട്.

441 റണ്‍സ് പിന്തുടര്‍ന്ന ഇന്ത്യ 107 റണ്‍സില്‍ എല്ലാവരും പുറത്താകുകയായിരുന്നു.
റണ്‍സ് അടിസ്ഥാനത്തില്‍ ഇന്ത്യക്കെതിരേയുള്ള ആസ്‌ത്രേലിയിയുടെ രണ്ടാമത്തെ ജയമാണിത്.

ഇതോടെ കോഹ്‌ലിയുടെ നേതൃത്വത്തിലുള്ള ഇന്ത്യന്‍ ടീമിന്റെ വിജയക്കുതിപ്പിന് അന്ത്യമായിരിക്കുകയാണ്. പരാജയമറിയാത്ത 19 ടെസ്റ്റുകള്‍ക്ക് ശേഷമാണ് ഇന്ത്യയുടെ ദയനീയ തോല്‍വി.