തൊട്ടില്‍പ്പാലം: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റിയുടെ ആഭിമുഖ്യത്തില്‍ കുറ്റ്യാടി കൊടക്കല്‍ കോയക്കുട്ടി ഉസ്താദ് നഗറില്‍ നടക്കുന്ന റമദാന്‍ പ്രഭാഷണത്തിന്റെ രണ്ടാംദിനം സുന്നി മഹല്ല് ഫെഡറേഷന്‍ ജില്ലാ പ്രസിഡന്റ് സി.എസ്.കെ തങ്ങള്‍ കുറ്റ്യാടി ഉദ്ഘാടനം ചെയ്തു. എ.പി മൊയ്തു മാസ്റ്റര്‍ അധ്യക്ഷനായി. മുഹമ്മദ് സ്വാലിഹ് വയനാട് പ്രഭാഷണം നടത്തി.
കെ.കെ ഇബ്‌റാഹിം മുസ്‌ലിയാര്‍ പ്രാര്‍ഥന നടത്തി. കൊളപ്പുറത്ത് അമ്മദ്, ടി.എച്ച് അമ്മദ് മാസ്റ്റര്‍, കെ.വി മൊയ്തു, വി.പി അസ്‌ലം, ഫൈസല്‍ കൊടുമ, കെ.പി സുലൈമാന്‍ സംസാരിച്ചു. യു.കെ അബ്ദുല്‍ ഹമീദ് ഹാജി സ്വാഗതവും കെ.കെ ഷൈജല്‍ അഹ്മദ് നന്ദിയും പറഞ്ഞു.
സമാപന ദിനമായ ഇന്നു രാവിലെ ഒന്‍പതിന് മുഹമ്മദ് മുബശ്ശിര്‍ അസ്‌ലമി രാമനാട്ടുകര പ്രഭാഷണം നടത്തും. സി.കെ അന്ത്രു ഹാജി അധ്യക്ഷനാകും. 11.30ന് നടക്കുന്ന ദിക്‌റ് ദുആ മജ്‌ലിസിന് സമസ്ത കേന്ദ്ര മുശാവറ അംഗം ചേലക്കാട് മുഹമ്മദ് മുസ്‌ലിയാര്‍ നേതൃത്വം നല്‍കും.