കണ്ണൂര്‍: യു.എ.ഇ കെ.എം.സി.സി ഫൗണ്ടേഴ്‌സ് ഓര്‍ഗനൈസേഷന്‍ ഇ അഹമ്മദ് അനുസ്മരണം 28ന് ഉച്ചയ്ക്ക് രണ്ടിന് ചേംബര്‍ ഹാളില്‍ നടക്കും. മുസ്‌ലിം ലീഗ് ദേശീയ ജനറല്‍ സെക്രട്ടറി കെ.എം ഖാദര്‍ മൊയ്തീന്‍ ഉദ്ഘാടനം ചെയ്യും. ഫലസ്തീന്‍ അംബാസഡര്‍ അദ്‌നാന്‍ അബു അല്‍ ഹൈജ മുഖ്യാതിഥിയാകും. എം.പിമാരായ ഇ.ടി മുഹമ്മദ് ബഷീര്‍, പി.വി അബ്ദുല്‍ വഹാബ്, മാധ്യമ പ്രവര്‍ത്തകന്‍ ഡോ. സെബാസ്റ്റ്യന്‍ പോള്‍, കെ.പി.എ മജീദ്, പന്ന്യന്‍ രവീന്ദ്രന്‍, രാജ്‌മോഹന്‍ ഉണ്ണിത്താന്‍ പങ്കെടുക്കും. വാര്‍ത്തസമ്മേളനത്തില്‍ വി.കെ അബ്ദുല്‍ ഖാദര്‍ മൗലവി, സി.വി.എം വാണിമേല്‍, എം.എ മഹമൂദ്, അഹമ്മദ് പോത്താംകണ്ടം, റസാഖ് അല്‍വസല്‍ പങ്കെടുത്തു.