ശ്രീകണ്ഠപുരം: കാറുകള്‍ വാടകയ്‌ക്കെടുത്ത് മറിച്ചുവില്‍ക്കുന്ന സംഘത്തില്‍നിന്ന് രണ്ടു കാറുകള്‍ കൂടി ശ്രീകണ്ഠപുരം പൊലിസ് കണ്ടെടുത്തു. സംഘത്തിലെ പ്രധാനി പരിപ്പായിലെ താഴെവീട്ടില്‍ രാഹുലിനെ (27) കഴിഞ്ഞദിവസം പൊലിസ് അറസ്റ്റ് ചെയ്തിരുന്നു. ശ്രീകണ്ഠപുരം എസ്.ഐ സി. പ്രകാശന്‍ കസ്റ്റഡിയില്‍വാങ്ങി ചോദ്യംചെയ്തതില്‍ നിന്നാണു മറിച്ചുവിറ്റ രണ്ടു കാറുകള്‍ കസ്റ്റഡിയിലെടുത്തത്. നേരത്തെ മൂന്നു കാറുകള്‍ കസ്റ്റഡിയില്‍ എടുത്തിരുന്നു. ബക്കളം, പുതിയതെരു എന്നിവിടങ്ങളിലാണു തെളിവെടുപ്പ് നടത്തിയത്. പുതിയതെരുവിലെ ആര്‍ഷി, ബക്കളത്തെ മുഹമ്മദലി, ജുബൈര്‍, മുസാഫിര്‍ എന്നിവര്‍ക്കാണു രാഹുല്‍ കാറുകള്‍ മറിച്ച് വില്‍ക്കാറുള്ളതെന്നു നേരത്തെ തെളിഞ്ഞിരുന്നു.
രാഹുലിന്റെ മറ്റു കൂട്ടാളികളെ തെരയുകയാണ്. രാഹുലിനെ കോടതിയില്‍ ഹാജരാക്കി.