തൃപ്രങ്ങോട്: പഞ്ചായത്തിലെ ഏക സര്‍ക്കാര്‍ യു.പി സ്‌കൂളായ ചമ്രവട്ടം ഗവ.യു.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. തിരൂര്‍ ഫൂട്ട് എക്പ്രസ് ഉടമയും മാനേജിംഗ് ഡയറക്ടറുമായ പാട്ടത്തില്‍ ഇബ്രാഹീംകുട്ടി പത്രം പ്രകാശനം ചെയ്തു. ചടങ്ങില്‍ പി.ടി.എ പ്രസിഡന്റ് വി.പി ഹംസ അധ്യക്ഷനായി. അബ്ദുസ്സമദ് മാസ്റ്റര്‍, സക്കറിയ മാസ്റ്റര്‍ സംസാരിച്ചു. സുപ്രഭാതം പത്രത്തെ സംബന്ധിച്ച് അസ്‌ലം കുട്ടികള്‍ക്ക് വിശദീകരണം നല്‍കി. ഹെഡ്മാസ്റ്റര്‍ യു.എം ഹമീദ് സ്വാഗതവും വിഷ്ണു മാസ്റ്റര്‍ നന്ദിയും പറഞ്ഞു.