അന്തിക്കാട്: പഞ്ചായത്തിലെ തീരദേശ മേഖലയിലെ ഒട്ടേറെ പ്രദേശങ്ങളില്‍ ശുദ്ധ ജല പൈപ്പ് പൊട്ടി കുടിവെള്ളം പാഴാകുന്നത് സംബന്ധിച്ച് പരാതി നല്‍കിയിട്ടും നടപടി സ്വീകരിക്കാത്ത ജല അതോറിറ്റി അധികൃതരുടെ നടപടിയില്‍ പ്രതിഷേധിച്ച് കോണ്‍ഗ്രസ് പ്രവര്‍ത്തകര്‍ ഒഴുകി പോകുന്ന ശുദ്ധജലം ബക്കറ്റില്‍ ശേഖരിച്ചു പ്രതിഷേധിച്ചു.
അന്തിക്കാട് പഞ്ചായത്തംഗം ശാന്ത സോളമന്‍ പ്രതിഷേധ സമരം ഉദ്ഘാടനം ചെയ്തു. മണ്ഡലം വൈസ് പ്രസിഡന്റ് ജോര്‍ജ് അരിമ്പൂര്‍ അധ്യക്ഷനായി.
ബ്ലോക്ക് കോണ്‍ഗ്രസ് ഭാരവാഹികളായ ഷൈന്‍ പള്ളിപ്പറമ്പില്‍, എം.എസ് ശോഭനദേവന്‍, കെ.എസ് ബാലന്‍, അശ്വിന്‍ ആലപ്പുഴ, എം.പി വത്സല, പ്രജിത അനില്‍കുമാര്‍, നിജില പുലമ്പുഴ, സുധി പള്ളിയില്‍, മോഹനന്‍ കാട്ടുതിണ്ടിയില്‍, മണ്ഡലം വൈസ് പ്രസിഡന്റ് അക്ബര്‍ പട്ടാട്ട് സംസാരിച്ചു.