നീലേശ്വരം: നീലേശ്വരത്തു ഒറ്റനമ്പര്‍ ചൂതാട്ട കേന്ദ്രത്തില്‍ പരിശോധന. ഒരാള്‍ അറസ്റ്റില്‍. പേരോല്‍ കുറ്റിവയലിലെ പി.വി. നാരായണനാണു അറസ്റ്റിലായത്. ഇയാളില്‍ നിന്നു 1250 രൂപയും പിടിച്ചെടുത്തു. എസ്.ഐ പി നാരായണന്‍, അഡിഷണല്‍ എസ്.ഐ കൃഷ്ണന്‍ എന്നിവരുടെ നേതൃത്വത്തിലായിരുന്നു പരിശോധന നടത്തിയത്. റെയില്‍വേ മേല്‍പ്പാലത്തിനടിയിലായിരുന്നു ചൂതാട്ട കേന്ദ്രം പ്രവര്‍ത്തിച്ചു വന്നിരുന്നത്.
നാരായണനാണു നമ്പര്‍ കുറിച്ചു നല്‍കിയത്. കേരള ലോട്ടറിക്കു സമാന്തരമായിട്ടായിരുന്നു ചൂതാട്ടം. മുന്‍പും ഒറ്റ നമ്പര്‍ ചൂതാട്ടത്തിന്റെ പേരില്‍ നീലേശ്വരത്ത് പരിശോധനയും അറസ്റ്റും നടന്നിരുന്നു. വരും ദിവസങ്ങളിലും പരിശോധന കര്‍ശനമാക്കാനാണു പൊലിസ് തീരുമാനം.