കോഴിക്കോട്: സ്ട്രിങ് ഇന്‍ ബീറ്റ്‌സിന്റെ രണ്ടാം വാര്‍ഷികത്തോടനുബന്ധിച്ച് യമുന പാലാട്ടിന്റെ നേതൃത്വത്തില്‍ സംഗീതരാവ് നടത്തും. ഈ മാസം 28ന് വൈകിട്ട് ആറിന് ടൗണ്‍ ഹാളില്‍ നടക്കുന്ന പരിപാടി സിനിമാ താരം ജുബില്‍ രാജ് പി.ദേവ് ഉദ്ഘാടനം ചെയ്യും.
പിന്നണി ഗായിക മച്ചാട്ട് വാസന്തിക്ക് ധനസഹായം നല്‍കും. പി.വി ഗംഗാധരന്‍, സുനില്‍കുമാര്‍, കോഴിക്കോട് അബൂബക്കര്‍ എന്നിവരെ ആദരിക്കും. ചലച്ചിത്ര താരം റിയാസ് ഖാന്‍ മാക്ട ജനറല്‍ സെക്രട്ടറി റോയ് ആന്റണി എന്നിവര്‍ മുഖ്യാതിഥികളാകും. ഫസല്‍ ഗഫൂര്‍ അധ്യക്ഷനാകും.
വാര്‍ത്താസമ്മേളനത്തില്‍ സന്നാഫ് പാലക്കണ്ടി, വിജയകുമാര്‍, യമുന പാലാട്ട്, പ്രസന്ന സഹദേവന്‍, റഖിലേഷ് പങ്കെടുത്തു.