കണ്ണൂര്‍: ജൂനിയര്‍ ഗേള്‍സ് അന്തര്‍ജില്ലാ ഫുട്‌ബോള്‍ ചാംപ്യന്‍ഷിപ്പ് ഇന്നു മാങ്ങാട്ടുപറമ്പ് കണ്ണൂര്‍ സര്‍വകലാശാലാ സ്റ്റേഡിയത്തില്‍ കണ്ണൂര്‍ ഫുട്‌ബോള്‍ അസോസിയേഷന്റെ ആഭിമുഖ്യത്തില്‍ തുടങ്ങും. 10 ജില്ലാ ടീമുകള്‍ ചാംപ്യന്‍ഷിപ്പില്‍ മാറ്റുരക്കും. ജൂനിയര്‍ ഗേള്‍സ് വിഭാഗത്തില്‍ ആദ്യമായാണ് അന്തര്‍ ജില്ലാ ചാംപ്യന്‍ഷിപ്പ് നടക്കുന്നത്. ആതിഥേയരായ കണ്ണൂര്‍ ഇന്നു വൈകുന്നേരം 4.30ന് കൊല്ലവുമായി ഏറ്റുമുട്ടും.