അമ്പലവയല്‍: വിവാഹവാഗ്ദാനം നല്‍കി പീഡിപ്പിച്ച കേസില്‍ യുവാവിനെ അമ്പലവയല്‍ പൊലിസ് അറസ്റ്റ് ചെയ്തു. വടുവന്‍ചാല്‍ കടല്‍മാട് കരിങ്ങലോട് സ്വദേശി അത്തിമറ്റം പുതുശ്ശേരി ജോബി (28)നെയാണ് അറസ്റ്റ് ചെയ്തത്.
പീഡനത്തിരായായ പെണ്‍കുട്ടിയും അമ്മയും നേരിട്ടെത്തി പരാതിനല്‍കിയതിന്റെ അടിസ്ഥാനത്തിലാണ് ഇയാളെ പൊലിസ് അറസ്റ്റ് ചെയ്തത്. 2016 ഏപ്രിലിലാണ് കേസിനാസ്പദമായ സംഭവം.
വിവാഹ വാഗ്ദാനം നല്‍കി പലതവണ വീട്ടിലെത്തി പീഡിപ്പിച്ചുവെന്നാണ് പരാതിയില്‍ പറയുന്നത്. സംഭവം നടക്കുമ്പോള്‍ പെണ്‍കുട്ടിക്ക് പ്രായപൂര്‍ത്തിയാവാത്തതിനാല്‍ പോക്‌സോ നിയമ പ്രകാരമാണ് ഇയാള്‍ക്കെതിരെ കേസ് എടുത്തിരിക്കുന്നത്. കല്‍പ്പറ്റ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.