കോഴിക്കോട്: കേരളത്തിലെ വിദ്യാലയങ്ങളിലെ ഭാഷ ബോധന രീതി ശാസ്ത്രീയമാക്കണമെന്ന് ആവശ്യപ്പെട്ട് കൊണ്ട് ഒരു ലോകം ഒരു ഭാഷ പ്രസ്ഥാനത്തിന്റെ സ്ഥാപകന്‍ ബാബ അലക്‌സാണ്ടര്‍ (ന്യൂഡല്‍ഹി) ഉപവസിക്കും. നാഷനല്‍ ചൈല്‍ഡ് ഡെവലപ്പ്‌മെന്റ് കൗണ്‍സില്‍ (എന്‍.സി.ഡി.സി) കേരള റീജിയന്റെ ആഭിമുഖ്യത്തില്‍ 28ന് കോഴിക്കോട് ബീച്ചിലാണ് ഏകദിന ഉപവാസം സംഘടിപ്പിച്ചിരിക്കുന്നത്. രാവിലെ ഒന്‍പതിന് കോഴിക്കോട് ബിഷപ്പ് ഡോ. വര്‍ഗീസ് ചക്കാലക്കല്‍ ഉപവാസം ഉദ്ഘാടനം ചെയ്യും. പ്രസ്സ് ക്ലബ് പ്രസിഡന്റ് കമാല്‍ വരദൂര്‍ അധ്യക്ഷനാവും.
ബാബ അലക്‌സാണ്ടര്‍, എന്‍.സി.ഡി.സി മീഡിയ മാനേജര്‍ അരുണ്‍. പി. ബാലന്‍, കെ.പി. മുഹമ്മദ് അയൂബ്, റിന്‍സി മഠത്തില്‍ വാര്‍ത്താസമ്മേളനത്തില്‍ പങ്കെടുത്തു.