കക്കട്ടില്‍: നരിപ്പറ്റ കൊയ്യാലിലെ അസീസിന്റെ വീടിനു നേരെ കല്ലേറും പടക്കമേറും. ഇന്നലെ പുലര്‍ച്ചെയാണ് സംഭവമെന്ന് കരുതുന്നു.
വീട്ടില്‍ ആളുണ്ടായിരുന്നെങ്കിലും വീട്ടുകാര്‍ സ്‌ഫോടനശബ്ദം കേട്ടിരുന്നില്ല. കല്ലേറില്‍ ജനല്‍ചില്ലുകള്‍ തകര്‍ന്നിട്ടുണ്ട്. മത്സ്യവില്‍പ്പന തൊഴിലാളിയാണ് അസീസ്. കുറ്റ്യാടി പൊലിസ് കേസെടുത്തു.
കൊയ്യാല്‍, നമ്പ്യത്താന്‍കുണ്ട്, ട്രാന്‍സ്‌ഫോമര്‍ മുക്ക്, വയലില്‍ പീടിക എന്നീ സ്ഥലങ്ങളില്‍ വിവിധ യുവജന രാഷ്ട്രീയ സംഘടനകളും മതസംഘടനകളും സ്ഥാപിച്ച കൊടിമരങ്ങള്‍, പോസ്റ്ററുകള്‍ എന്നിവയും കഴിഞ്ഞ ദിവസങ്ങളില്‍ നശിപ്പിക്കപ്പെട്ടിട്ടുണ്ട്.