വടകര: തീരദേശ പൊലിസ് സ്റ്റേഷനിലേക്കു തസ്തികകള്‍ അനുവദിച്ച് സര്‍ക്കാര്‍ ഉത്തരവായി. ഒരു സി.ഐയും മൂന്നു എസ്.ഐമാരും ഉള്‍പ്പെടെ 29 തസ്തികകളാണ് അനുവദിച്ചത്. സ്റ്റേഷനിലേക്ക് നിയമനം ആഗ്രഹിക്കുന്നവരില്‍നിന്ന് അപേക്ഷകളും വാങ്ങിത്തുടങ്ങി. ഉടന്‍ നിയമനം നടത്തി സ്റ്റേഷന്‍ പ്രവര്‍ത്തനം താമസിയാതെതന്നെ തുടങ്ങാനുള്ള ഒരുക്കങ്ങളാണ് നടക്കുന്നത്. മാര്‍ച്ചില്‍ ഉദ്ഘാടനം നടക്കുമെന്നാണ് പ്രതീക്ഷ.
സി.ഐ ആയിരിക്കും സ്റ്റേഷന്‍ ഓഫിസര്‍. കൂടാതെ മൂന്നു എസ്.ഐമാര്‍, നാല് എ.എസ്.ഐമാര്‍, എട്ട് സീനിയര്‍ സിവില്‍ പൊലിസ് ഓഫിസര്‍മാര്‍, 13 സിവില്‍ പൊലിസ് ഓഫിസര്‍മാര്‍ എന്നിവരുമുണ്ടാകും. സ്റ്റേഷന്റെ പരിധി സംബന്ധിച്ച് അന്തിമതീരുമാനമായിട്ടില്ല.