തിരുവനന്തപുരം: ദിവസവും ഒരുകോടിയുടെ അധിക വരുമാനം ഉണ്ടാക്കണമെന്ന നിര്‍ദേശവുമായി കെ.എസ്.ആര്‍.ടി.സി സി.എം.ഡി ടോമിന്‍ തച്ചങ്കരി.
ഇപ്പോള്‍ ദൈനംദിനം ലഭിച്ചുകൊണ്ടിരിക്കുന്ന ആറ് മുതല്‍ ആറരക്കോടി വരെയുള്ള വരുമാനം ഏഴരക്കോടിയാക്കണമെന്നാണ് തച്ചങ്കരി ആവശ്യപ്പെടുന്നത്. ഇതിനായി ഇനിമുതല്‍ ഓരോ എട്ട് ബസുകളുടെയും ചുമതല ഒരു ഇന്‍സ്‌പെക്ടര്‍ക്ക് നല്‍കണം.
വരുമാന വര്‍ധന ലക്ഷ്യമിട്ട് മേല്‍നോട്ടം വഹിക്കാന്‍ സി.എം.ഡിയുടെ ഓഫിസിലും ഉദ്യോഗസ്ഥരെ പ്രത്യേകമായി നിയോഗിച്ചു. എ.സി, ഇലക്ട്രിക്, ഫാസ്റ്റ് പാസഞ്ചര്‍, ഓര്‍ഡിനറി എന്നിങ്ങനെ തിരിച്ചാണ് ജീവനക്കാര്‍ക്ക് പ്രത്യേക ചുമതല നല്‍കിയത്. ഇക്കാര്യത്തിലുള്ള പുരോഗതി ദൈനംദിനം സി.എം.ഡിയെ അറിയിക്കണമെന്നും ഉത്തരവില്‍ വ്യക്തമാക്കിയിട്ടുണ്ട്.