മലപ്പുറം: ദലിത് വിഭാഗത്തിനെതിരേയുള്ള അക്രമങ്ങള്‍ ആസൂത്രിതമായി നടക്കുകയാണെന്നു എ.പി അനില്‍കുമാര്‍ എം.എല്‍.എ. ദലിത് കോണ്‍ഗ്രസ് ജില്ലാ കമ്മിറ്റി ഡി.സി.സി പ്രസിഡന്റ് വി.വി പ്രകാശിനു നല്‍കിയ സ്വീകരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സര്‍ക്കാര്‍ സര്‍വമേഖലയിലും പരാജയമാണെന്നും അദ്ദേഹം പറഞ്ഞു. ജില്ലാ പ്രസിഡന്റ് പ്രകാശന്‍ കാലടി അധ്യക്ഷനായി. ഡി.സി.സി പ്രസിഡന്റ് വി.വി പ്രകാശ്, ഇ. മുഹമ്മദ്കുഞ്ഞി, വി.ടി സുരേന്ദ്രന്‍, പി.പി കുഞ്ഞന്‍, ശശി മങ്കട, സി. സുകുമാരന്‍, കെ.പി മജീദ്, വീക്ഷണം മുഹമ്മദ്, അസീസ് ചീരാതൊടി, പി. ഇഫ്തിഖാറുദ്ദീന്‍, റിയാസ് മുക്കോളി, അനിത മമ്പാട്, ദിനേശ് മണ്ണാര്‍മല, ടി.സി തൈയ്യന്‍, ശിവദാസ് ഉള്ളാട്, വേലായുധന്‍ പരപ്പനങ്ങാടി, എം.പി കുമാരു, കൃഷ്ണന്‍ കരുവാരക്കുണ്ട്, യശോദ അരീക്കോട്, രാമന്‍ നിലമ്പൂര്‍ സംസാരിച്ചു.