കൊച്ചി: കൊച്ചിയില്‍ നടിയെ ആക്രമിച്ച കേസില്‍ പ്രതികളായ സുനില്‍ കുമാറിനേയും വിജേഷിനേയും തെളിവെടുപ്പിനായി കോയമ്പത്തൂരിലേക്കു കൊണ്ടുപോയി. ആലുവ ഡിവൈഎസ്പിയുടെ നേതൃത്വത്തിലുള്ള സംഘമാണ് പ്രതികളെ കോയമ്പത്തൂരിലേക്കു കൊണ്ടുപോയത്.

സംഭവത്തില്‍ ഗൂഢാലോചന നടന്നിട്ടുണ്ടോയെന്ന് ഇപ്പോള്‍ പറയാനാകില്ലെന്ന് എ.ഡി.ജിപി ബി. സന്ധ്യ പറഞ്ഞിരുന്നു.  തെളിവായ മൊബൈല്‍ ഫോണിനെക്കുറിച്ചും കൂടുതല്‍ കാര്യങ്ങള്‍ വെളിപ്പെടുത്താന്‍ കഴിയില്ലെന്നും എ.ഡി.ജി.പി വ്യക്തമാക്കിയിരുന്നു.

സാധാരണക്കാരനായ ഒരാള്‍ നല്‍കിയ നിര്‍ണായകമായ വിവരമാണ് കേസിന്റെ അന്വേഷണത്തില്‍ ഏറെ സഹായിച്ചത്. ആ വ്യക്തി നല്‍കിയ വിവരങ്ങള്‍ക്കൊപ്പം സാങ്കേതിക വിവരങ്ങള്‍ കൂടി ചേര്‍ത്ത് പൊലിസിനു കൃത്യമായി അന്വേഷണം നടത്താനായെന്നും എ.ഡി.ജി.പി ബി. സന്ധ്യ അറിയിച്ചിരുന്നു.