കൂട്ടിലങ്ങാടി: ശിശുരോഗ വിഭാഗം, ത്വക്ക് രോഗ വിഭാഗം, ജനറല്‍ മെഡിസിന്‍ എന്നീ വിഭാഗങ്ങളെ ഉള്‍പ്പെടുത്തി കൂട്ടിലങ്ങാടി കടുങ്ങൂത്ത് മദ്‌റസയില്‍ വച്ച് സ്‌പെഷ്യാലിറ്റി മെഡിക്കല്‍ ക്യാംപ് നടത്തി. മങ്കട ബ്ലോക്ക് പഞ്ചായത്ത് പ്രസിഡന്റ് ഇ സഈദ ക്യാംപ് ഉദ്ഘാടനം ചെയ്തു. കൂട്ടിലങ്ങാടി പഞ്ചായത്ത് പ്രസിഡന്റ് പി.പി സുഹ്‌റാബി അധ്യക്ഷയായി.
മങ്കട സി.എച്ച്.സി മെഡിക്കല്‍ ഓഫിസര്‍ ഡോ. യു ബാബു മുഖ്യപ്രഭാഷണം നടത്തി. ബ്ലോക്ക് വൈസ് പ്രസിഡന്റ് എന്‍.കെ അസ്‌കര്‍ അലി, ബ്ലോക്ക് മെമ്പര്‍ സലാം, പഞ്ചായത്തംഗം ഇ.സി ഹംസ, ഡോ. ഫിറോസ് ഖാന്‍, വാര്‍ഡ് അംഗം സജീര്‍ സംസാരിച്ചു.
ഹെല്‍ത്ത് ഇന്‍സ്‌പെക്ടര്‍ കൃഷ്ണന്‍ കാരാങ്ങര ബോധവല്‍ക്കരണക്ലാസ് നയിച്ചു.
പി.എച്ച്.എന്‍  എ ഷീബ, ജെ.എച്ച്.ഐ അബ്ദുല്‍ റഷീദ്, ജിഷ, ഷംസുദ്ദീന്‍, റംലത്ത്, ആശ പ്രവര്‍ത്തക സക്കീന, ബ്ലോക്ക് ആരോഗ്യ കേന്ദ്രം കോര്‍ഡിനേറ്റര്‍മാരായ സി.എച്ച് നിയാസ് ബാബു, ജിജോ വി ജോര്‍ജ്, നേതൃത്വം നല്‍കി. 216 രോഗികളെ പരിശോധിച്ച് മരുന്നുകള്‍ നല്‍കി. ഫാര്‍മസിസ്റ്റ് മറിയാമ്മ മരുന്നുകള്‍ വിതരണം ചെയ്തു.