മലപ്പുറം: പി ഭാസ്‌കരന്‍ മാഷിന്റെ അനശ്വരഗാനങ്ങളിലൂടെ കവി  ആലങ്കോട് ലീലാകൃഷ്ണന്‍ തീര്‍ത്ഥയാത്ര നടത്തി.  രശ്മി രാജ്യാന്തര ചലച്ചിത്രോത്സവത്തിന്റെ രണ്ടാം ദിവസം കവിയും ഗാനരചയിതാവുമായിരുന്ന പി ഭാസ്‌കരനെ അനുസ്മരിച്ച ചടങ്ങ് ഉദ്ഘാടനം ചെയ്ത് സംസാരിക്കവേയാണ്  ആലങ്കോട് ഭാസ്‌കന്റെ ഗാനങ്ങളാലപിച്ചുകൊണ്ട് കവിയെ പുതുതലമുറയ്ക്കു മുമ്പില്‍ അവതരിപ്പിച്ചത്. നാട്ടുമലയാളത്തിന്റെ മലയാളിച്ചൂട്ട് തെളിച്ച കവിയാണ് പി ഭാസ്‌കരനെന്ന് ആലങ്കോട് പറഞ്ഞു.
രശ്മി പ്രസിഡന്റ് മണമ്പൂര്‍ രാജന്‍ബാബു അധ്യക്ഷനായി. അഡ്വ. കേശവന്‍ നായര്‍, ടി.കെ വിമല ടീച്ചര്‍, ഡോ. പ്രമോദ് ഇരുമ്പുഴി, നൗഷാദ് മാമ്പ്ര സംസാരിച്ചു.