കിഴിശ്ശേരി: മൂര്‍ഖനേയും പെരുമ്പാമ്പിനേയും തൊട്ടു മുന്നില്‍ കണ്ടണ്ടപ്പോള്‍ ആദ്യമൊന്ന് ഞെട്ടിയെങ്കിലും പേടിയും അമ്പരപ്പും പിന്നീട്  കൗതുകത്തിന് വഴിമാറി. കിഴിശ്ശേരി ഗണപത് എ.യു.പി സ്‌കൂളില്‍ പരിസ്ഥിതി ക്ലബ് സംഘടിപ്പിച്ച പാമ്പുകളും പരിസ്ഥിതിയും ബോധവല്‍ക്കരണ ക്ലാസാണ് പാമ്പുകളുമായി അടുത്തിടപെടാന്‍ വിദ്യാര്‍ഥികള്‍ക്ക് സഹായകമായത്.
പാമ്പുകളുമായെത്തിയ ഉപ്പൂടന്‍ റഹ്മാന്‍ വിവിധതരം പാമ്പുകളെ  കുട്ടികള്‍ക്ക് പരിചയപ്പെടുത്തി. പാമ്പുകളോട് കുട്ടികള്‍ക്കുള്ള ഭയം മാറ്റി അവയെ അടുത്തറിയാനും അവസരമൊരുക്കി. ബോധവത്കരണ പരിപാടിയില്‍ സ്‌കൂള്‍ ഹെഡ്മാസ്റ്റര്‍ ടി സന്തോഷ് അധ്യക്ഷനായി. പി.ടി.എ പ്രസിഡന്റ് മോളി കൃഷ്ണ, സ്‌കൂള്‍ മാനേജര്‍ വി.വി മനോജ് കുമാര്‍, സുകുമാരന്‍ മാസ്റ്റര്‍, സാജിദ, ക്ലബ് കണ്‍വീനര്‍ അമ്പിളി സൂരജ് എന്നിവര്‍ സംസാരിച്ചു.