അരീക്കോട്: കേരളം വരണ്ടുണങ്ങി തുടങ്ങിയതോടെ പ്രിയ നേതാവിന്റെ ഓര്‍മയില്‍ ദാഹജലമൊരുക്കുകയാണ് അരീക്കോട്ടെ ഒരു പറ്റം ഓട്ടോതൊഴിലാളികള്‍. ശക്തമായ സൂര്യതാപത്താല്‍ കുടിവെള്ളത്തിന് ആളുകള്‍ പ്രയാസപ്പെടുമ്പോഴാണ് ഓട്ടോ തൊഴിലാളി യൂനിയന്‍ (എസ്.ടി.യു) അരീക്കോട് ബസ് സ്റ്റാന്റ് പരിസരത്ത് പെരുമ്പറമ്പ് ഓട്ടോ ട്രാക്കില്‍ സയ്യിദ് മുഹമ്മദലി ശിഹാബ് തങ്ങളുടെ നാമധേയത്തില്‍ കുടിവെള്ളം ഒരുക്കിയിട്ടുള്ളത്.
യാത്രക്കാരും വിദ്യാര്‍ഥികളും വ്യാപാരികളുമടങ്ങുന്ന നിരവധി പേരാണിപ്പോള്‍ ഓട്ടോ തൊഴിലാളികള്‍ സ്ഥാപിച്ച കുടിവെള്ളത്തെ ആശ്രയിക്കുന്നത്.
ആലുക്കല്‍ അഹമ്മദ് പദ്ധതി ഉദ്ഘാടനം ചെയ്തു. നസീര്‍ മുണ്ടമ്പ്ര, ഇല്യാസ് അരീക്കോട്, ജയന്‍ പാറക്കല്‍, സുദിക്കുട്ടന്‍ ആലുക്കല്‍, കുഞ്ഞാണി പെരുംപറമ്പ്, കെ.വി നാരായണന്‍, ഹമീദ് സംബന്ധിച്ചു.