തവനൂര്‍: ജില്ലാ അത് ലറ്റിക് അസോസിയേഷന്‍ കടകശ്ശേരി ഐഡിയല്‍ കാംപസില്‍ വെച്ച് നടത്തിയ ജില്ലാ കിഡ്‌സ് അത്‌ലറ്റിക് മീറ്റില്‍ 52 പോയിന്റുകള്‍ നേടി എം ഐ സി ചെറുകര ഓവറോള്‍ ചാംപ്യന്‍മാരായി.
 51 പോയിന്റുമായി മലപ്പുറം മഅദിന്‍ പബ്ലിക് സ്‌കൂള്‍ രണ്ടാം സ്ഥാനവും 48 പോയിന്റ് നേടി ഐഡിയല്‍ മോണ്ടിസോറി സ്‌കൂള്‍ മൂന്നാം സ്ഥാനവും നേടി .ഐഡിയല്‍ പ്രൈമറി മോണ്ടിസോറി പ്രിന്‍സിപ്പല്‍ സുപ്രിയ ഉണ്ണികൃഷ്ണന്‍ സമാപന ചടങ്ങ് ഉല്‍ഘാടനം ചെയ്തു.
അത്‌ലറ്റിക് അസോസിയേഷന്‍ ജില്ലാ സെക്രട്ടറി കെ കെ രവീന്ദ്രന്‍ അധ്യക്ഷനായി. അജയ് രാജ് കെ , സൈഫ് സാഹിദ് എം , എന്നിവര്‍ വിജയികള്‍ക്ക് ട്രോഫികള്‍ സമ്മാനിച്ചു. ഷാഫി അമ്മായത്ത്, സൈനുദ്ദീന്‍ സി ,നദീഷ് ചാക്കോ ,പ്രജീഷ് കെ , പ്രവീണ്‍ കുമാര്‍ സംസാരിച്ചു .